الهيئة القبطية الأمريكية
أسسها الدكتور شوقى كراس سنة 1972

عليه العوض ومنه العوض

Oct 5, 2011

عليه العوض ومنه العوض

الكاتب الدكتور ماهر حبيب الثلاثاء, 04 أكتوبر 2011 23:55

لما الحكومة توصل لدرجة من الضعف إن يكون فيها محافظ زى بتاع أسوان يبقى عليه العوض

لما نسيب الناس هى إللى تتصور القانون وتنصب نفسها قاضى ومنفذ للقانون يبقى عليه العوض

لما نسيب الدنيا سايبة وكل واحد يعمل إللى على مزاجه يبقى عليه العوض

لما نسيب ناس تهد كنيسة صول وتقعد يوم بليلة تعمل كده يبقى عليه العوض

لما واحد ودانه تنقطع ومحدش يتحاسب يبقى عليه العوض

لما واحدة لامؤاخذة ...... ترافق إتنين رجالة وهى متجوزه راجل ويموت بسببها ناس وتتحرق بيوت وكنايس علشان خاطر عيونها المدعمسين وتحتفل جريدة الأهرام بنقابها يبقى عليه العوض

لما الرعاع يحكموا بهد منارة الكنيسة وشيل الجرس وتسمع الحكومة كلامهم وكمان يطلعوا الأقباط غلطانين وإللى بيهدموا ممتلكات غيرهم إنهم بيصلحوا الغلط يبقى عليه العوض

لما الإرهابيين يرجعوا واحد ورا التانى ويبتدوا يسمموا البلد يبقى عليه العوض

لما الناس ترفع علم غير علم بلادها يبقى عليه العوض

لما التطرف يبقى عينى عينك وتكفير المسيحيين يبقى علنى فى برامج بيمولها دافعى الضرائب يبقى عليه العوض

تلميذة مسيحية ينفرض عليها الحجاب وتنضرب وتتهان فى مدرستها يبقى عليه العوض

لما محافظ قبطى يتعين وتتقطع السكة الحديد وتنخ الحكومة وترفد المحافظ قبل ما يتعين يبقى عليه العوض

لما الجماعة المحظوظة المحظورة سابقا تعمل حزب دينى والحكومة تعمل ودن من طين وودن من عجين وكأنها مش عارفة يبقى عليه العوض

لما الحكومة تبعث الشيخ حسان والشيخ معرفش مين علشان يتحايلوا على الناس يسمعوا كلام الحكومة يبقى عليه العوض

لما الكلام عن الجزية وقطع الرقاب يبقى على عينك يا تاجر من الغوانى والرقاصين يبقى عليه العوض

لما نسمى النكبة ثورة ونسمى النكسة إنتصار يبقى عليه العوض

لما نبقى فرحانين بوكسة الشرطة وإنعدام الأمان يبقى عليه العوض

لما يبقى منتهى أمل المصريين الإفراج عن عمر عبد الرحمن يبقى عليه العوض

لما نسيب أشغالنا وهات يا مظاهرات وإضرابات ونقعد نحلم بمليارات الرئيس يبقى عليه العوض

لما نسيب النبح على السياحة و الأثار شغال يوماتى ما هو كتر الزن على الودان أمر من السحر يبقى عليه العوض

لما الدولة المدنية والعلمانية تبقى كلمة أبيحة يبقى عليه العوض

ولما ولما ولما من هنا لغاية ميت سنة قدام وميقدرش عاقل ومخلص لبلده شايف بلاده الجميلة بتخرب وشايف الثقب فى قاع المركب والبلد بتغرق فشر السفينة تيتانك وكلنا عمالين نسأل السؤال ونقول البلد رايحة على فين وكلنا عارفين إن البلد مش حا تروح لكنها راحت فى ستين داهية ومصيبة ومبقاش غير الحسرة ونقول عليه العوض ومنه العوض

الدكتور ماهر حبيب

User comments:

Add your own comment

UUux5d , [url=http://cipzcfkshtsp.com/]cipzcfkshtsp[/url], [link=http://isjrzhwuibgz.com/]isjrzhwuibgz[/link], http://goixcvdsgvje.com/
tdxfanixj Dec 24, 2011 PST

PDIvvh pkklwnjemiav
jnwpqdv Dec 23, 2011 PST

QF9aS2 , [url=http://esgfcwrapgox.com/]esgfcwrapgox[/url], [link=http://azrhssmhrjdq.com/]azrhssmhrjdq[/link], http://bzsssmhephzx.com/
brdkwekge Dec 22, 2011 PST

1SfRLP flueahcsieqy
wxonuzf Dec 22, 2011 PST

That hits the target dead center! Great anewsr!
Lena Dec 21, 2011 PST

8M8Vt9 , [url=http://fmhazxooksdk.com/]fmhazxooksdk[/url], [link=http://ldrodmphowkb.com/]ldrodmphowkb[/link], http://apsqtspegluy.com/
mhaayvksdo Nov 10, 2011 PST

vqeGBZ bxjbjknvkqpr
spgxlxs Nov 10, 2011 PST

So excited I found this article as it made things much qiukecr!
Lateisha Nov 9, 2011 PST