مصادمات بين مسلمين ومسيحيين فى «عين شمس» وإصابة ١٣ من الأهالى والأمن المركزى

كتب مصطفى المرصفاوى وفاطمة أبوشنب ٢٥/ ١١/ ٢٠٠٨  

جانب من المصادمات الغاضبة التى اندلعت بين المسلمين والمسيحين فى عين شمس أمس
شهدت منطقة عين شمس الغربية، مساء أمس الأول، مصادمات بين مسلمين ومسيحيين، بسبب أداء  المسيحيين الصلاة داخل مصنع مغلق - تردد أنه تحول إلى كنيسة - بجوار مسجد فى المنطقة، وفيما تبادل الطرفان إلقاء الحجارة، تدخلت قوات من الشرطة، وأطلقت القنابل المسيلة للدموع، وألقت القبض على ٨ من الأهالى.

انتقل إلى موقع الأحداث قيادات أمن القاهرة، وشيوخ من الأزهر، وقساوسة، لتهدئة الأهالى والتوصل إلى حل للأزمة.

قال شهود عيان إن ٧ سيارات أمن مركزى، وقوات مكافحة الشغب، طوقت شارع التوفيقية، الذى انتشر فيه المجندون بالدروع الواقية، وحاولوا تفريق الأهالى بالعصى والقنابل المسيلة للدموع، إلا أنهم ردوا عليهم بإلقاء الحجارة، مما أدى إلى إصابة ١٣، بينهم ٨ من الأهالى و٥ مجندين، وتم تحطيم سيارتين، وعدد من واجهات المحال.

وأشار مسلمون من المنطقة إلى أنهم فوجئوا بتحويل المصنع المغلق إلى كنيسة دون الحصول على تصريح،

وتساءلوا: كيف يتم بناء كنيسة - على فرض حصولهم على تصريح - أمام مسجد، واتهموا المسيحيين بقذفهم بالحجارة أثناء أدائهم صلاة العشاء، وهو ما نفاه مسيحيون من المنطقة، مؤكدين أن المسلمين هم الذين بدأوا بإلقاء الحجارة والزجاجات الفارغة عليهم، وقالوا: «احتمينا داخل الكنيسة، لأننا لسنا طرفًا فى الموضوع، والمصادمات كانت بين الشرطة والمسلمين».

طالع المزيد
مصادمات بين مسلمين ومسيحيين فى عين شمس.. وقوات مكافحة الشغب تتدخل بـ «قنابل الدموع»

عدد التعليقات [٤٠]
commnts
تعليق حابب البلد دى تـاريخ ٢٥/١١/٢٠٠٨ ٣١:١٦
مش عارف ابدا منين اسال مثلا ان كل واحد فى الناس شاف نفسة نقطة شرطة ومسئول ان لما يشوف ناس بتصلى يعتبر ان دا شئ غير لائق بالبلد يمكن ولا اسال واقول يمكن الناس بتاعت عين شمس دى اللى كلنا عارفينها ان لو شافت الناس دى بدل مبتصلى مستغلين نفس المكان ده للسكر او لتجارة المواد المخدرة نفس الناس دى كانت هتعمل ايه كانت هتقوم بالاعتداء على الناس دى ولا كانت هتشاركهم فى الافعال اللى المنطقة دى بتتميز بيها صدقونى انا بشكر كتير بلطجية عسن شمس انها بتقوم بواجبها وتقوم بالاعتداء على المصليين كمان عايز اسال على سؤال الناس سالته ومحدش رد عليها الناس المعلقين مسلمين ومسيحين ؟(ايه اللى يضر المسلمين فى ان المسيحين يكون ليهم مكان صلاة جنب جامع وايه الجديد فى الكلام ده محنا طول عمرنا كدة) التعليق الاخير هو مش تعليق هو امنية اتمنى ان كل اللى كتب تعليق فعلا اعتراض على اللى حصل ده ان يكون من ماتعلم ومن تربية كويسة حقيقة وخوف على البلد ومشاعر الاخرين وميبقاش مجرد كلمات وبس ومنبقاش لو مكان اللى مايسموا الا بمخربين البلد اللى عملوا كدة نعمل زيهم اخير اقول للناس ترحم البلد واللى فيها كلنا تحت ازماتها وكلنا مع افراحهاويارب المجرمين دول يخلصوا من البلد او حتى يتعلموا ازاى يرفعوا من البلد بسلوكهم مش يبهدلوها لو فضلت اكتب هكتب كتير بشكركم

الحكومة عاوزة تشغل الناس
تعليق احمد تـاريخ ٢٥/١١/٢٠٠٨ ١٤:١٦
اظن والله اعلم ان المستفيد من كل ده هى الحكومة الى عاوزة تعمل حالة بلبلة تشغل بيها الناس عن امور السياسة والحكم وتقدر الحكومة تاخد راحتها فى النصب والسرقة واغتصاب اعراض ودماء المواطنين حسبنا الله ونعم الوكيل ولسه الحكومة دى هاتغرقنا اكتر ما احنا غرقانين

الاختيار
تعليق د. حسن الضوي تـاريخ ٢٥/١١/٢٠٠٨ ١٣:١٦
هل منا كل البشر من قام باختيار عقيدته؟ الاجابة مفهومة وأقسم بالله أن الرحم للأم ان كان مسيحيا فمن سيخرج منه يكون مسيحيا وان كان لأم مسلمة سيكون الناتج مسلم فلما هذا العناد والفكر الهدام مصر تحتاج جهود كل فرد فيها من مسلم ومسيحي وكفي للأفكار الهدامة التي تستحوذ علي العقول الميضة عبثا لأغراض شخصية يعلمها أصحاب هذه العقول الهدامة الذين يريدون الاستفادة من أنقاض الأمة وليعبد كل انسان خالقه كما يحب وتحت مظلة معتقداته

والله حرام أحنا شعب واحد
تعليق محمد رضوان تـاريخ ٢٥/١١/٢٠٠٨ ٢٠:١٥
أنا مسلم كما هو واضح من أسمى وأعتز بصداقات الكثير من أخوانى المسيحين وأنا مش فاهم أيه المشكلة يعنى أن أى حد يبنى كنيسه أو مسجد ولا كلنا أصبحنا ألهة نحدد ونشرع والله حرام ياجماعة دى بلدنا كلنا والغريب أن الحياة غاليه جدا والوضع الأقتصادى صعب ومحدش بيتحرك أو بيفكر حتى أنه يتحرك ودلوقتى عشان بناء كنيسه أو مسجد الدنيا قامت والله أنا مش عارف فين أصحاب العقول والله يحفظك يامصر

دول مش فاهمين حاجه
تعليق محمد نصر تـاريخ ٢٥/١١/٢٠٠٨ ٦:١٥
أقسم بالله العظيم ان اللى عمل المشاغبات دول مهو فاهمين يعنى اسلام ولا عارفين يعنى ايه مسيحيه دول عبارة عن شباب وناس اللى بنشفهم فى الافراح الشعبية وسواقين اليكروباصات الشمامين اللى مش فاهمين هما عايشين ليه اصلا بتوع الاغانى الشعبيه والمخدرات والكلام ده

السبب الرئيسى
تعليق basem تـاريخ ٢٥/١١/٢٠٠٨ ٤٦:١٤
هذه الارض ملك لله وحده ولا تتحرك دابه ولا شىء الا بامره ولا يغير الله بقوم حتى يغيروا ما بانفسهم اذا اردتم التغيير فعليكم بانفسكم الاول ثم الدعاء للغير بالخير ففان لم يستجب فما على الرسول الا البلاغ والله انا لا ارى فيها اى شى يضر بالاسلام بل كل ما يحدث هو الضرر

فتنة
تعليق قبطى حزين تـاريخ ٢٥/١١/٢٠٠٨ ٣٧:١٤
تعليقات اخوتى المسلمين كانت بلسم شفاء لما احس به من مشاعر الحزن عقب كل اعتداء يحدث من صبية لا يعرفوا عن الاسلام شيئاً ولكن البطالة والفراغ لهم فعل السحر فى حشو عقولهم من اناس لهم مصلحة فى عدم استقرار مصر التى ذكرها القراّن الكريم ادخلوها بسلام اّمنين والتى اصبحت بفعل هؤلاء البعيدين عن الاسلام قولاً وفعلاً اصبحت غير اّمنة بل وفوق صفيح ساخن فألى متى ؟؟اين عقلاء الامة؟؟واين الدولة التى يجب ان تضرب بيد من حديد على كل من تسول لة نفسة العبث باْمن هذا البلد الذى يتعايش فية المسلمين والمسيحيين منذ اربعة عشر قرناً لم يكن يستطيع أى احد مهماً كان ان يفرق من هو المسيحى ومن هو المسلم فنحن نسيج واحد نأكل من طبق واحد هى ارض مصر الغالية التى ارتوت بدماء عنصرى الامة ونشرب من نيلها العظيم الذى يجرى ماؤة فى دماء كل المصريين !!واقسم بالله ان جميع اصدقائى من المسلمين لا ارى منهم الا كل الحب والاحترام .وعلى هذا انا فى دهشة مما يحدث فلا اجد اى سبب للاعتراض عند بناء كنيسة نصلى فيها !!فهل لو كان المبنى الذى تم التحريض للهجوم علية دار للسينما او كبارية هل كان يحدث ما حدث ؟ اعتقد الاجابة بالنفى !حتى لو كانت بدون ترخيص فيكون الاعتراض بالقانون .وحتى هذا يكون هو العيب بعينة لما فية من جرح لمشاعر اخوة فى الوطن يرغبوا فى وجود مكان يصلوا فية هذا المكان يعلمهم ان يكونوا مواطنين صالحين يستطيعوا ان يخدموا بلدهم بكل اخلاص !بدلاً من تركهم بدون رعاية وتكون النتيجة الانحراف الى عالم الجريمة والادمان .وقى الله مصر شر الفتن وربنا يهدى كل نفس تحمل الشر

احداث المسلمين والمسحيين
تعليق سامي محمد تـاريخ ٢٥/١١/٢٠٠٨ ٣٠:١٤
ياجماعه بلاش نخلي الفتنه تخش بينا وبلاش نشوه دينا لان دينا عمره ماامرنا بكده ودايما يحسنا على المعامله الحسنه للجار حتى لو كان يهودي طول عمرنا بنتربى مسلمين ومسيحيين مع بعض في المدارس وفي الجامعات وايضا الجيش بلاش والنبي البلد مش ناقصه فتنا كفايه اللي فيها وبقول لاخونا المسيحيين بلاش تزعلو احنا اخوات صح ولا ايه

أحذروااااااااااا
تعليق فاخر فايز تـاريخ ٢٥/١١/٢٠٠٨ ٢١:١٤
ياشعب مصر ... أحذروا الفتنة أعداء مصر يخاولون تمزيقها داخلياً وألهاء الشعب بقضية داخلية ليخلوا لهم الطريق ... من قديم الأزل في المظاهرات والحروب علي خط النار يقف المسيحي والمسلم معضدين ومساندين لبعض ... لاتسمعوا للشعارات الخارجية لتمزيقنا وقفوا جنباً إلي جنب ضد الفئات الصغيرة المرتشيه الدخيلة ... فليحافظ الله علي مصر وعلي شعبها ... أأأأأأأأأأأأأأمين

احداث عين شمس الطائفية
تعليق MOHAMED DAOUD تـاريخ ٢٥/١١/٢٠٠٨ ٥:١٤
ماذا يحدث والى اين تريدون ان تذهبوا بهذا البلد ومن هو صاحب المصلحة فى القاءهذا البلد فى اتون الفتنة ومن الذى يشعل النار سواء كان شيخا فى مسجد او كاهن فى كنيسة ماذا يضير المسلم ان يصلى المسيحى او لايصلى ماذا يضيره ان يبنى كنيسة او عشرة او مائة هل ممارسة امسيحى لشعائره تضرنا نحن فى شىء ومنذ متى ونحن نهتم بهذه الأمور ياناس سيبوا البلد فى حالهاوكفاية الخراب اللى هى فيه مش ناقصة كمان نقطع بعضينا لأننا كلنا فى الهم مصريين لأن الظلم والقهر والكبت والمرار والبطالة والعجز اللى احنا فيه ما بيفرقش بين مسلم ومسيحى لأن كلنا بنعانى من نفس الظروف وكلنا بنعانى من نفس التمييز المسألة مش مسلم ولا مسيحى المسألة مسألة بلد كله رايح فى داهية المسألة مسألة ام وقعت على الارض ومش لاقية حد من ولادها يمد لها ايده انما كل واح منهم ماسك لها سكينة وعايز يقطع فى لحمها ياناس حرام عليكوا والله بلدنا ماتستاهل اللى احنا فيه يا اخواننا بلدن مش الحكومة ولا المسلم والمسيحى بلدنا كل حاجة حلوة عشناها وكل مرارة قاسيناها وكل شارع مشينا فيه وكل حلم حلمناه حرام عليكم مصر ماتستاهلش كدة مصر اطيب واحلى واجدع من اللى انتوا عايزين تخلوها فيه

ربي لا توآخذنا بما فعل السفاء منا
تعليق الأدهم االمصري تـاريخ ٢٥/١١/٢٠٠٨ ٣:١٤
المصنع المهجور يتحول لمسجد أو كنيسة أفضل من أن يكون غرزة أو وكر دعارة ... مش عيب أبداً أنه يكون مكان للصلاة بصرف النظر صلاة مين ... كلها صلاة لله ... بسم الله الرحمن الرحيم {وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ إِلَّا الَّذِينَ ظَلَمُوا مِنْهُمْ وَقُولُوا آمَنَّا بِالَّذِي أُنزِلَ إِلَيْنَا وَأُنزِلَ إِلَيْكُمْ وَإِلَهُنَا وَإِلَهُكُمْ وَاحِدٌ وَنَحْنُ لَهُ مُسْلِمُونَ }العنكبوت46 ... أعتقد أحنا في ظروف تستلزم منا التعاضد و أن نتجاوز الجهل و العصبية و التطرف ... عيب قوي اللي بيحصل ... ده بدل ما نقول لأخوانا المسيحيين كل عام و هم بخير في أول يوم صيام لهم ... ربي لا توآخذنا بما فعل السفاء منا

جار الرسول ص كان يهودى
تعليق صلاح خضر تـاريخ ٢٥/١١/٢٠٠٨ ٤٧:١٣
نعلم جميعا أن الرسول صلى الله عليه وسلم كان له جار يهودى وكان النبي يبره ويسأل عنه وحتى لما مرض اليهودى زاره النبي ص فأسلم اليهودى لما رأى من حسن خلق النبي، وقال تعالى ( ولتجدن أقربهم مودة للذين آمنوا الذين قالوا إنا نصاري)وكان دليل الرسول ص في الهجرة المباركة من مكة إلى المدينة ( يهودى) فما زجر النبي قط يهودى ولا مسيحى لا حتى صابئى ولا ملحد وإنما كانت الحروب الاسلامية جميعها فتوحا ودفاعا عن النفس، يا عالم يا ناس يا هووووووووو افهموا بقي تفقهوا في دينكم قال تعالى ( لكم دينكم ولي دين ) يا ناس لا تنساقوا وراء الفتنة والله فتنة وملعونة وملعون من أوقدها ولن تأكل نارها إلا الشعب الغلبان الكادح ولن تبقي على أخضر ولا يابس، يا جماعة لو كان فيه حد مش عارف ان المعاملة الحسنة لأهل الكتاب ولمن يدينون بديانات أخري غير الاسلام من حسن اسلام المرء فليعلم ذلك فقد قال تعالى ( لاينهاكم الله عن الذين لم يقاتلوكم في الدين أن تبروهم وتحسنوا إليهم)وقال رسول الله ص ( ألا إن الفتنة نائمة ملعون من أوقدها)فاللهم فقهنا في ديننا آميييييييييييييين

هى دة الحضارة المصرية
تعليق aimanata تـاريخ ٢٥/١١/٢٠٠٨ ٢٨:١٣
تعرفوا احنا مش نقدم لية علشان هو ده الى شغلنا وعمار يا مصر

لماذا تراجعنا
تعليق monir تـاريخ ٢٥/١١/٢٠٠٨ ٢٧:١٣
لماذا تراجعنا كل هذا الفكر للوراء لماذا تبنى كنيسة تهيج الدنيا  بمثل هذا الشكل؟ هذه المرة ليست الاولى ودائمآ التخاذل الامنى يهدأ الموقف بصلح عرفى. الموضوع زاد عن حده ويجب ان يعاقب كل من يفعل ذلك وان لايحدث ما يسمى الصلح العرفى

ربنا موجود
تعليق ADELTEL تـاريخ ٢٥/١١/٢٠٠٨ ٢٤:١٣
ربنا موجود وهو اللى هيحاسب كل البشر ليه تحاسبوا الغير وانتم متعرفوش الخير ؟

دعاء
تعليق هانى تـاريخ ٢٥/١١/٢٠٠٨ ٢٠:١٣
اللهم اننا نعوذ بك من شر الفتن ما ظهر منها وما بطن أمين امين امين

مبارك شعبي مصر
تعليق م / باسم تـاريخ ٢٥/١١/٢٠٠٨ ١٨:١٣
على قدر ما حزنت مما حدث و يحدث كثيرآ ... بقدر ما سعدت كثيرآ بتعليقات القراء العاقلين المحترمين ... آمل من الله ان يزيد بيننا المحبة و التفاهم و يرفع شأن بلادنا بنا

المصدمات الاخيرة بين المسيحين والمسلمين
تعليق مدحت تـاريخ ٢٥/١١/٢٠٠٨ ٤:١٣
عيب لما يحدث وهذا لاننا شعب غير متحضر ولا يعرف عن الديمقراطية شئ 0 فهل المسحيون ليس مصريون0 والمسلمون هم المصريون 0 أو العكس ففى بلاد الديمقراطية (فرنسا) مثلاالمسيحية تقيم مساجد للمسلمين يقام بها شعائرهم الدينية بدون ضغط من البلاد الاسلامية0 أيضا اقامة معاهد لتخريج الائمة الازمة لهذة المساجد 0 هذة حضارة0 وهذا شعب ديقراطى يتيح لكل فرد ان يؤدى مراسم دينة دون تشنج0 ولكن نحن فى مصر اصبحنا لانعرف عن الحرية ولا الحضارة ولا الديمقراطية شئ اصبحنا نسير على نظام الهمجية

من هو المؤمن
تعليق احمد طارق وهبة تـاريخ ٢٥/١١/٢٠٠٨ ٢:١٣
الاجابة كل مسلم مؤمن يعلمها يعرفها ولاعذر الالمن يجهلها وعلية ان يصمت المؤمن من امن باللة وملائكتة وكتبة ورسلة اذا فلماذا كل هذا ان فاغ فكري ولا عقل لة من اشعل كل هذا وعلية ان يحاكم محاكمة الافساد في الارض والوقيعة بين الناس واشعال الفتنة فليصل المسيحي في اي مكان يريدة مصنع معمل منزل ماذا يضر الاخر في ذلك مثل المسلم يصلي في اي مكان يريدة في القطار الطائرة أخوتي انة الجهل انة الفراغ المهم ان تعمل باالصلاة وهذة ام المشاكل الم ينصر رسول اللة ليهودي علي مسلم اتقوا اللة واتقوا شر الفتنة انها تحرق كل اخضر ويابس وانفس لعن اللةمن يوقذها ويعمل علي اشعالها

حسبنا الله ونعم الوكيل
تعليق محمود المستكاوى تـاريخ ٢٥/١١/٢٠٠٨ ٤٢:١٢
فئة قليلة مأجورة هى التى تحاول اثارة الفتن بين أبناء الوطن الواحد فالجميع اخوة وكلنا من آدم وحواء وكما قال الله تعالى لكم دينكم ولى دين فعقيدة الدين مسألة شخصية تخص الشخص وحده وهو الوحيد الذى يتحمل النتائج الى الجنة أم الى جهنم ولنا فى رسول الله صلى الله عليه وسلم أسوة حسنة فقد كان يتعامل مع اليهود ويتعايش والله سبحانه وتعالى أمرنا بذلك ومن اهتدى فانما يهتدى لنفسه ومن ضل فعليها فكل انسان مسئول عن نفسه فمن المستفيد من اثارة هذه الفتن؟؟ أفيقوا يا مصريين فعلى مر العصور أبناء الوطن الواحد اخوة متحابين فأنا شخصيا معظم أصدقائى من النصارى ؛ نسأل الله أن يزيل الغمة

لاتعليق
تعليق ميذو تـاريخ ٢٥/١١/٢٠٠٨ ٣٨:١٢
أهم حاجه يحدث حوار مفتوح ومرئى ومسموع بين الطرفين ونشوف الامور هاتودينى على فين كل يوم والتانى يقولوا فى فتنه لما نشوف ايه اللى هايحصل

الامن
تعليق مواطن مصرى تـاريخ ٢٥/١١/٢٠٠٨ ٢٤:١٢
بالله عليكم من المسئول عن الامن وما يضير المسلمين فى ادا المسيحيين صلواتهم معظم الساجد بجوار كنائس وكل يعبد الهه ياناس الزمن بيجرى وانتم وقفتم فى القرن السابع واتحجرتم ليه كدة ربنا خلق لنا عقول علشان تفكر ونبحث ونعرف ان الاخر ايصا خلقه الله وهو الوحيد اللى هايحاسبة وليس الاخر وربنا يهدى الجمبع

المصرى العربى
تعليق المصرى العربى تـاريخ ٢٥/١١/٢٠٠٨ ٢٢:١٢
احزروا فتنه وقودهخا اهل مصر الغلابه يا ناس فينالسلوك المصرى بتاع زمان انا مصرى ديانتى مسلم ولكن كنت اسكن فى اسكندريه كان اعز الجيران لامى وسرها هى الست ام جرجس وانا الىالان اعز اصحابى الاستاذ وديع يا ناس قادتنا فىحرب اكتوبر البمجيده هم المشير احمد اسماعيل وسعد الشاذلى ولواء طيار حسنى مبارك والواءفؤاد عزيز غالى وكان فؤاد غالى مسئول عن تحرير اصعب المواقع فى سيناء وهى القنطرة شرق وهى عبارة عن موقع عسكرى محصن وايضا مدينه يعنى تحتاج الى حرب مدن ايضا وكانت تمثل منطقه عسكريه مهمه لاسرائيل يا اهل مصر اقرئوا التاريخ مصر امانه مصر بلد الغلابه كلنا فى مركب واحد

الامن
تعليق مواطن مصرى تـاريخ ٢٥/١١/٢٠٠٨ ٣:١٢
بالله عليكم من المسئول عن الامن وما يضير المسلمين فى ادا المسيحيين صلواتهم معظم الساجد بجوار كنائس وكل يعبد الهه ياناس الزمن بيجرى وانتم وقفتم فى القرن السابع واتحجرتم ليه كدة ربنا خلق لنا عقول علشان تفكر ونبحث ونعرف ان الاخر ايصا خلقه الله وهو الوحيد اللى هايحاسبة وليس الاخر وربنا يهدى الجمبع

لفيقو يا مصريين
تعليق AHMD تـاريخ ٢٥/١١/٢٠٠٨ ٤٦:١١
انا اللى اعرفو ان اللى عايز يشتكى يروح الجهة المسؤله ويقدم شكوى مش يروح يتخانق ويا ريت نفوق لان الفتنه بين المسيحيين والمسلمين مش لمصلحة حد غير اعداء مصر

Satellite 

Limo Service 

Accountant 

Shatafa
Great Gift for Christmas and Holiday
480-361-3459