لاعمدة نافع و ..لا شيخ بلد نافع

إسـمى ويصــا ومهنتــى راعــى

أرعــى غنمــى بقلبــى وبدراعــى

وأموت من أجلهم لو الأمــر داعــى

المحبــــــة طريقــى

والنـــــــور صديقــى

وأعدى بيهم الوديان والقنطــره

وأخاف عليهم م / التعالب الصغيره

المراعى خضره قدامى

ورب المجد حامى

مهما حصل .. مهما جرى

خرفانى عارفانى

تسمع صوتى

تجينى تانى

++++++++

وف يوم غابت الشمس

 وغطت ع /  الأرض سحابه

سمعت صوت خرفانى الغلابه

تئن ، تزن

جوه ف / جحر الديابه

تعيط ، تصوت

من كلاب الحراسه

طالبه استغاثه

دبحوهم !! سحلوهم

سلخوهم!! علقوهم

شوفت منظرهم جريت

على بيت العمده واشتكيت

ولشيخ البلد حكيت وبكيت

لقيت مالقيت اى استجابه

ولسه الغلابه

ف : جحر الديابه 

تئن ، تزن

تعيط ، تصوت

من كلاب الحراسه

طالبه استغاثه

+++++++

صرخت ووصلت صرختى

ف / كل مكان

راح فين العدل ؟

راح فين الأمان .

بكيت وشاف دمعتى كل انسان

مســـــــــكونى

وجوه المحكمه حطونى

حــــــاكــمونى

وقضاه الظلم اتهمونى

انت يــــــاراعى

هزيت السلام الاجتماعى

بلاش ياويصا

تعمل هيصه

مالكش دعوه بالخرفان

ده احنا بلد الأمن والادمان

+++++++++

عجبى عليك يازمان

لاعمده نافع ولا شيخ بلد نافع

الرب وحده هو اللى شافع

 بقلم:روك 102